http://www.radiosomaliland.com/index.php?blogid=0 Somaliland News en-us Nucleus CMS v3.41 © Weblog http://backend.userland.com/rss http://www.radiosomaliland.com/index.php?blogid=0/nucleus/nucleus2.gif http://www.radiosomaliland.com/index.php?blogid=0 http://www.radiosomaliland.com/index.php?blogid=0index.php?itemid=1026

Agaasime Abshir oo si lama filaan ah ugu firkanaxay dhibaatada Wasiirka ayaa isku qaaday gaadhiga Taliyaha Ciidanka Qaranka oo ka agdhawaa waxaanu isagoo cidna u sheegin kaxaystay gaadhigii taasoo markii uu soo qaaday ee uu madaarka yimi ay garaaceen Ciidankii ilaalada Taliyaha oo ka cadhooday gaadhiga uu kaxaystay ee aanu cidna u sheegin.

Agaasimaha Gaadiidka Madaxtooyadda Abshir ayaa waxa soo gaadhay jugo, waxaana ku dhacay qori dabadii taasoo sababtay in buuq ka dhasho madaarkii ay madaxdu ka dhoofaysay iyadoo markii danbe laga qabtay

Xigasho Waaheen

Halbeegnews, Hargeysa

]]> General http://www.radiosomaliland.com/index.php?blogid=0index.php?itemid=1026 Mon, 6 Feb 2012 21:52:02 -0500 http://www.radiosomaliland.com/index.php?blogid=0index.php?itemid=1024
Guddoomiyaha Ururka Horyaal Dr Musdafe Cabdilaahi Jaamac oo Xafladaasi ka hadlay ayaa ka warbixiyey sababta ururkan loo aasaasay iyo waxyaabaha ay ku soo kordhin doonaan hadii ay ku soo baxaan loolanka loogu jiro nidaamka Xisbiyada iyo Doorashooyinka Golayaasha deegaanka. ”ururkan aanu xafiiska aad arkaysaan ee quruxda badan u furnay anaga niyad nagama aha inaanu halkan ku dhisno ee shuruudaha nalagu xidhay ayaa ah in aanu xafiis wayn furano waayo lacagta ku baxaysa umada ayaan wax ugu qaban lahayn, laakiin anagu geed golool ah ayaan waaban lahayn oo umada ayaan wadooyinka ugu dhisi lahayn” ayuu yidhi. Waxaanu intaasi ku daray “ururkan Horyaal waxaa hogaan ka ah dad aqoonyahan ah waxaanan doonaynaa in aan bulshada u soo bandhigno waxyaabaha aanu u qaban doono hadii ay na doortaan si aad noola xisaabtan taan maxaa yeelay?.”ma doonayno in aanu idin dhehno shimbiro yohow heesa ka dibna aad heestaan ee waxaanu doonaynaa in aad nala xisaabtantaan oo aad na dhehdaan maxaad noqonaysaan ee aanu idinku dooranaa ka dibna aanu idin soo bandhigno wixii noo qorshaysan”. Dr. Mustafe mar uu fariin u dirayay Madaxda Asxaabta iyo Ururada kale waxa uu yidhi “Madaxda kale ee Asxaabta waxaan leeyahay tartan Xalaal ah aynu wada galno ee dadka jahawereerka iyo Kamaradaha aad isku mashquulinaysaan ka daaya, lacagta aad waxaas ku baabiinaysaana umadda wax ugu qabta”

Guddoomiye ku-xigeenka Ururka Horyaal xaa D.r Cilmi Maxamed Nuur oo isna halkaasi ka hadlay ayaa sheegay in loo bahan yahay in ay dadwaynaha Somaliland ay taageero siiyaan ururkan oo uu sheegey in ay horkacayaan dad aqoonyahano ah oo waliba dhalinyaro ah si buu yidhi loo gaadho isbedel dhab ah oo wadankan horumar u
SOURCE: WAHEEN]]> General http://www.radiosomaliland.com/index.php?blogid=0index.php?itemid=1024 Tue, 24 Jan 2012 10:57:16 -0500 http://www.radiosomaliland.com/index.php?blogid=0index.php?itemid=1023
"Waxaana aan ka digayaa: In ay xukumadu goosato in ay shirka ka soo qayb gasho:

Tiiyoo aan xeerkaas wax ka bedel iyo kaabis lagu samayn iyo iyadoon Dawlada Ingiriiska aynaan ka heshiin qaabka iyo maamuuska aynu kaga qayb qaadan karno shirka." Xildhibaan Mohamed Ali Hersi.


London,(Qaran news)- Waxa aanu waraysi kooban la yeelanay xildhibaan Maxamed Cali Xirsi oo ka mid ah xildhibaanada golaha wakiilada Somaliland oo ka soo baxay xisbiga Talada haya ee Kulmiye oo hada ku sugan magaalada London, xildhibaanka oo aanu wax ka waydiinay shirka Somalida loogu qabnaayo magaalada London, waxa uu u dhacay sidan hoos ku qoran.

Su'aal. Xildhibaan sideed u argtaa shirka kooxaha Somalida loogu qabnaayo magaalada London?

Jawaab: Shirka London waxa uu yahay shir Loo qabanaayo Soomaaliya, waa shir caalaamka intiisa badani amaba intooda ugu xooga waa weyni ay isagu imanaayn , waa shir talo qaran ay adduunyadu ka yeelanayso arrimaha Soomaliaya .

Su’aal Xildhibaan Maxaad uga jeedaa Talo qaran?

Runtii waxa aynu ognahay in Soomaliya dhawr iyo toban shir loo qabtay oo intoodii badnaydna aan lagu guulaysan, waxay dawladaha addunku u arkaan dhibaatada Soomaalidu in ay ceeb badan ku hayso kawnkan aynu ku noolnahay, waxay u arkaan in ay tahay wax aan dhamaad lahayn, isla goor ahaantaana waxay u arkaan in iyaga laftigooda ay dhib badani uga timid ugana imanayso, sidaad dareteed waxay is leeyihiin intii itaalkooda ah manta ku soo afjara carigan Ingiriiska.

?Su’aal: Xildhibaan wax maka ogtahay agendaha Shirka?

Shirka Agenadahiisa inta aan ka ogahay waxaa ugu wayn sidii dawlad adag oo tayo leh loogu dhisi lahaa Soomaliya, loona yarayn lahaa Budhcad badeeda iyo Argagixisada, waxaa kaloo jirta dawladahan reer galbeedku marka ay shirar noocan oo kale ay dhigayaan ma dhigaan oo keliya ajendaha waxaa kaloo u qorshaysan waxa ay doonayaan in ay ka soo baxaan iyo sida ay uga soo baxayaan.

Tussale ahaan waxa u qorshaysan oo ay doonayaan marka ay dhamaato xili waqtiyeedka dawaladani bisha siddedaad ee sanadkan in la diyaariyo sidii loo bedeli lahaa oo ay haystaan options ay kala dooranayaan, waxaa kaloo ay bar tilmaameed ka dhigteen in 2015 in la qabto doorasho xor oo si toosa loo soo doorto dawlad Soomaaliyeed oo tayo leh

Qodobka kale ee isna ajendaha ku jiraa waxa uu noqonayaa sidii loo xoojin lahaa cududa milateriga Somaliya ka hawl gala sida AMISOM, Ciidamada Kenya , Ciidamada Ethopia, iyo qaar kale oo lagu soo daro.

Waxaa iyana ku jirta sidii loola dagaalami lahaa Budhcad badeeda iyo Argagaxisada oo runtii dawladaha caalamka oo dhami ay isha ku hayaan aan qabona in uu yahay qodob ay aad u danaynayaan khaasatn dawladaha reer Galbeedku.

Waxaa kaloo iyana ku jirta sidii loogu samayn lahaa sanduuq dhaqaale oo loogu yabooho Somalia

Su’aal Xildhibaan Maadaama shirarkii horeba aan lagu guulaysan, miyaanay kula ahayn kan laftigiisu wuxuu noqon doonaa kuwii hore oo kale?

In kastoo aan lagu wada guulaysan laakiin anigu waxa aan u arkaa in ay Somaliya manta uun ugu fiican tahay, shirkana ay wax badani uga qabsoomi doonto haddii ay tahay dhaqaale iyo hadii ay tahayba cudud Meletri oo lagu ilaaliyoba

Su'aal waxa jirta in xukumadda Somaliland shirkaasi lagu marti qaaday oo la filaayo in ay xukumaddu ay ka qayb gasho, waloo ay hore ugu gacan saydhay shirkaasi, hadana wararka ka soo baxaaya xafiiska madaxweynaha waxa ay sheegayaan in uu u hanqal taagaayo shirkaasi, adigu xildhibaan ahaan sideed u argtaa in la tago shirkaasi?

Horta Anigu waxaan qabaa inta aynaan ka jawaabin shirka ma ka qayb gala, mise waynu ka joognaa in aynu is waydiino:

Agendaha ma ku jirnaa oo Somaliland ma ku jirtaa

sharci ahaan maxaa inooga yaal ka qab galka shiraranka noocan oo kale ah,

ka dibna aynu ka jawaabno ka qayb galkiisu Waxtar iyo waxyeelo kee buu inoo yeelan karaa iyo Haduu waxatar inoo yeesho habkee baynu uga qaybgeli karnaa

Hadaan ku horeeyo Agendaha ma ku jirnaa Jawaabtu waa MAYA Agenadaha waxa

keliya ee lagag hadlayaa waa Soomaaliya.

Mar haday sidaas tahay dawaladaha ina soo casumaya su’aalo badan iyo dooda badan baa inooga furan in aynu kala hadalo, ileen qaran 20 sanadood qaylinaayey oo lahaa soomaaliya waanu ka go’nay baynu ahayne, Inama qabato Ingiriiska oo aynu saaxibbo badan ku leenahay in uu ina yiraahdo idinkoo Soomaliay Shirka ka soo qayb gala oo iska soo dhex fadhiista, taas macnaheedu waa Soomali baad tahay oo Somaliland ma tihid weeye

Qodobka 2aad Sharciyan dalku xeer buu ka leeyahy shirarkan noocan oo kale, xeerkaasi waa ka aynu maqalo ee qof kastoo shirar Soomaaliyeed ka qayb gala amaba dawaladahaas loo samaynaayo Somaliaya ka qayb qaata lagu qaado kuwaasoo badiddoodu cagaba aan soo dhigin dalka xeerkaa dartii, haddii ay yimaadaana lagu xidh-xidho. In badan baynu maqalay hebel cafis ha waydiisto xukuumada haduu doonaayo in uu yimaado dalka, markaas horta xeerkaas baa dalka yaala.

Anigu ka doodi mayo xeerku wuu saxsan yahay amaba wuu qaldan yahay, amaba xeerka aynu bedelo iyo aynu dayno oo taasi waa mawduuc kale laakiin waxaan tilmaamayaa in uu xeer wadanku ka leeyahay shirarkan oo kale, kaas oo oranaaya

Golaha Baarlamaanka Somaliland wuxuu Go’aansaday:

In cid alaale iyo cidii ku abtirsata Somaliland, Dawlad, shicib, Afraad, Ururo, Axsaab, NGOyada, Aqoonyahanada, Madxdhaqameedyada, Sugaanyahanada, iyo dhamaanba noocyada ururada bulshada aanay sinaba uga qaybgeli Karin shir kasta iyo arrin kasta oo lagaga hadlaayo hindisayaasha Somalia ama lagu heshiisiinaayo dhinac ka mida kooxaha Somalia ama iyagoo isku dhan ahba.

In cid alaale cidii ku abtirsata Somalialnd ee ka qayb gasha shirkaas amaba abaabusha amaba ku taageerta sifo kasta qawl, ficil iyo qoraalba kaga qaybgasha wadahadalada Somalia ee qodobka 1aad tilmaamaayo loo aqoonsado dambiile khiyaamo qaran, taas oo ay waajib ku tahay dhamaanba hay’adaha ku shaqada leh in ay hor keenaan maxakamadaha awooda u leh iyadoo la raacaayo xeerarka uu tilmaamay dastuurku ee qodobka 130aad farqadiisa 5aad.

Gaadiidka cir, dhul iyo badba ee loo adeegsado ama qaada hawlgalkaas waxaa laga qaadayaa ruqsadaha sharciga ee ganacsiga ama tan gaarahaaneedba.

Waxaa lagula dhaqmayaa xeerkan cid alaale iyo cidii isku dayda in ay abuurto urur bulsho ama noc kasta oo ururada rayidka ahoo u shaqaynaya sidii ay Somalilad u minjo xaabin lahaayeen.

Waxaa ka reeban dhammaan warbaahinta Somaliland tan xukumada iyo ta madax banaanbaka reeban in ay baahiyaan wararka iyo macluumaadka lidiga ku ah waxna loogu dhibayo ama lagu wiiqaayo jiritaanka Somaliland.

Dalka Waaxaa sharci ahaan jira saddex gole qaran oo keliya sida ku tilmaaman Distoorka, waxaa reeban in cidina sheegato Gole kale oo aan ahyn kuwa Distoorku tilmaamay, waxaa lagu fulin doonaa talaabooyinka sharciga ah ee u yaala sheegasho wax aanay ahayn.

Qofkii loo qabto in u ku kacay qodobadan kor ku xusan waxaa la cafin karaa xukun maxakamadeed ka dib.

?

Go’aankan waxaa lagu meel mariyey fadhi wada jira oo ay labada Gole e baarlamanku ay yeesheen 8-11 October 2003 halkaas oo cod u qaaday , ka dibna ay ku ansaxiyeen 84 Mudane, 2 Mudanaena ay diideen ,2 Mudanena ay ka aamuseen, halka ay 88 Mudanena ay ku fadhiyeen Madasha Shirka.

Markaa anigu waxaan leeyahay dalku xeerkaas af soomaaliga ku qoran ee aynu wada fahmayno baa u yaala, hadii la jabinaayo iyo hadii la bedelaayoba

Su’aal: Markaa ma waxaad leedahay waa khiyaamo qaran haddii ay Soomaliland ka qayb gasho shirka London.

Jawaab: Hadaad xeerka eegto haa waa khiyaamo qaran , waa sharci jabis iyo qaynuun jabis .


Su’aal: Dad badan baa moodaa in ay iminka dawlada ku taageersan yihiin in ay ka qayb qaadato shirkan halka qaar kale oo badanina ay ka soo horjeedaan keee baa saxsan bay kula tahay.

Jawaab: Waxaan qabaa in ay labada aragtiba ay yihiin wax la dhegaysan karo Ayna fiican tahay in talo qaran laga yeesho si aynu u helo talada inoo faa-iido badan Tussale ahaan:


? Aragtida ka soo horjeedaa shirka waxay leedahay, shirka marka aynu nimaadno dabcan waxaynu ku imanaynaa as a Gobol ka mida soomaaliya, maxaa yeelay dunidu wax ay ictiraaafsan tahay Xukuumada Soomalliya, xukumada soomaaliyana waxa ay kuula hadllaysaa sidii gobol ka mida maamulkooda, markaa waa in aad qaadataa Protokola noocaas ah ee ay dunidu siinayso dawlada ay ictiraafsan yihiin.

? Aragtida diidan shirku waxay kaloo leedahay Dawladahan shirka qaban qaabinayaa waxa ay isagu keen yeedheen maaha sidii ay inoo kale guri lahaayeen amaba ay inoo wada dhegaysan lahaayeen ee waa sidii ay iskugu keen celin lahaayeen taa soo iyada laftigeedu hoos u dhac wayn inagu ah.

? Waxaa kaloo iyana dhici karta in Maamulada Somaliland diidka ah ee meelahaas lagaga dhawaaqay ay ka soo qab geli karaan shirka waxna laga waydiin karo aaya ka taliska soomaalida taasoo sumcad ahaan iyo maqaam ahaanba ku wiiqi karta kuuna keeni karta karaamo daro kaaga dhacda madasha shirka.

? Waxay kaloo aragtidani qabtaa isku soo wada duuboo in wax inagaga xumaadayba aanay jirin ka qayb galin la’aanta shiraka Soomaalida, waxaanay rumaysan yihiin in ka qayb galka shirkani uu dhaawac inoo keeni karto

Qoladan shirka ka qayb galkiisa taageersan waxay leedahay :

? Yaynaan weligeen DUDIN ee ilaah baa iskeen baday aynu wada hadalo, oo ka wada hadalo sidii aynu inagoo walaala ah aynu isu saamixi lahayn ee aynu ukala faataxaysan lahayn,

? Aragtidoodu waxa kale oo ay leedahay aynu dawladaha iyo madaxda ina casuntay madaama iyaga laftigooda wax inagaga xidhan yihiin hortooda badheedhaheena ka dhiibano oo yaynaan uga cararin, Golayaasha adduunyadu iskugu imanayso.

Markaa anigu waaan qabaaa in labad aragtiyoodba ay yihiin wax la dhagaysan karo lagana doodi karo, lana miisaami karo si aynu u ogaano aragtida inoo faa-iido badan

Su'aal. Waxa jirta shirar Somaliweyn ah oo uu wasiirka arimaha dibada ee Somaliland uu ka qayb galay, kani kuwaas muxuu kaga duwanyahay?

Jawaab: Horta anigu waxaan qabaa shirarkaas hore ee aynu ka qayb galay waa tan keentay in manta shirkan aan wasiirku qarin Karin la inoogu yeedhay, maxaa yeelay wasiirku waxa uu ku doodi jiray kamaan qayb galin shir loo qabatay soomaali laakin waxaan ka qayb galay shir caalamiya oo budhcad badeed iyo argagaxisada laga hadlaayo, waxaana aan qabaa in Golayashu qaranku ay ka gaabiyeen hawshoodii ahayd sharci ku ilaalinta xukumada talada haysa marka ay noqoto shirarkaas hore iyo xeerka wadanka uga yaalay.

Suaal: Muxuu shirkani Faa-iido inoo yeelan karaa, haduuse faaiido inoo leeyahay side baad oran lahayd aynu uga qayb qaadano?

Jawaab: Horta waxaad ogaataa in ay imanayaan in ka badan 40 Madaxweyne shirka , waxaad kaloo ogaataa in Somaliland ay iyana Ictiraaf doon tahay, waxaad kaloo ogaataa in loo qondayn doono Somalia lacag aad u fara badan oo lagaga dhawaaqi doono madasha shirka, waxaad kaloo ogaataa in ay addunyadu weli inoo ictiraafsan tahay Somalia oo aynu xoolahaas la leenahay markaa waxaan qabaa in uu faa-iido badan uu inoo yeelan karo ka qayb qaadashadiisu hadii aynu isla garano dawalada qaban qaabis hab inoo cuntama oo ilaalinaaya karaamada dawladnimadeena tusaale ahaan :

Qadiyadeena baynu kor ugu qaadi karnaa oo dawladahaaas madasha imanaaya baynu Ictiraafka aynu u baahnayn waydiisan karnaa

Soomaalida laftigeeda baynu ugu quus goyn karnaa tiiyoo madaxda addunyada makhraati ka yihiin

Maadaama aynu dhaqaale fara badan hore uga tagnay manta wax inoo diidaaya ma jiraan in aynu qaybteena ku doodno in toos la inoo siiyo.

Su'aal Hadii uu madaxweynahu uu golayaasha iyo xisbiyada mucaaridka ah uu tagitaanka shirka London kala tashado sideed u argtaa?

Jawaab: Anigu shaqsiyan ka dib markaan door biday faa-iidad uu shirku inoo yeelan karo waxaan ku talin lahaa

In Xukumadu Xeerka wax ka bedlis iyo kaabis ay ku samayso Golayaasha Qarankana la horkeeno , si aanu sharcigu u xidhin.

in aynu dawlada Ingiriiska ka heshiino qaabka aynu uga qayb qaadan karno inagoo wadan ah, ugana hadli karno

In dabadeed talo qaran laga yeesho waxa aynu la shir tegayno,

In loo soo diro Guddi qaran oo uu Madxwenahu hogaaminaayo oo aan ku koobnayn wasiiradiisa oo ay ka muuqdaan golayaasha qaranku, xisbiyada mucaaridka ahi , Haweenka iyo aqoonyahno si aynu caalamka u tusno in aynu ku midaysan nahay qadiyada Gooni isutaaga Somaliland.

In aynu ku talo ka galno in aynu ka dhex ololayno madasha iyo madaxda taasoo iyada laftigeedu u baahan in aynu talada ku darsano sida aynu uga midho dhalino kor u qaadista qadiyadeena

Waxaana aan ka digayaa: In ay xukumadu goosato in ay shirka ka soo qayb gasho

1. Tiiyoo aan xeerkaas wax ka bedel iyo kaabis lagu samayn.

2. Iyadoo Dawlada Ingiriiska aynaan ka heshiin qaabka iyo maamuuska aynu kaga

qayb qaadan karno shirka.

Hadii aan qaab inoo cuntama aynaan ku heshiin dawalada Ingiriiska waxaa quman in aynu hordhigno xeerka labada gole ansaxiyeen kaasoo inoo diidaaya in aynu ka qayb galo waxaana aan hubaa in ay ixtiraami doonaan sharciyada inoo dhigan.


Waad mahadsantahay xildhibaan

Idinkaa mudan

]]> General http://www.radiosomaliland.com/index.php?blogid=0index.php?itemid=1023 Tue, 24 Jan 2012 10:54:24 -0500 http://www.radiosomaliland.com/index.php?blogid=0index.php?itemid=1021

Qandaraaskii abid ugu weynaa Jamhuriyada Somaliland oo si sharci darro ah loo siiyey nin u madaxweyne Siilaanyo adeer u yahay. Wararka nagasoo gaadhaya qasriga madaxtooyada JSL iyo wasaaradda duulista iyo hawada ayaa tibaaxaya in nin ganacsade ah oo la yiraahdo Cabdirisaaq Cumaani oo madaxweyne Siilaanyo adeer u yahay loogu ballan qaadey qandaraaskaasi.



Ilahaasi waxa kale ay nasoo gaadhsiiyeen in heshiis qarsoodi ah wada gadheen wasiirka duulista iyo hawada Md. Maxamud Xashi Cabdi iyo ganacsadahaasi la siiyey qandaraaskaasi kuna heshiiyeen in lacagyowgaasi kasoo baxa qandaraaskaa sharci darrada lagu siiyey wiilka madaxweyne Siilaanyo adeer u yahay ay kala qaybsadaan asaga iyo wasiir Maxamuud Xashi Cabdi.



Wasiirka duulista iyo hawada JSL md. Maxamud Xashi Cabdi oo musuqmaasuq badan lagu ogyahay aya caadeystey boob cad iyo hanta lunsi badan oo intii uu wasiirka ahaa lunsadey kuna takri falay in ka badan $4 million oo dollar.



Qandaraaskan oo madmadow badani ku jiro waxa maal galintiisa ballan qaaddey dawladda Kuwait in laga joogo dhowr sanaddood balse dhawaan hirgali doono.



Warar badan oo nagasoo gadhaya magaalada hargeisa ayaa tibaaxaya in ganacsato iyo shirkado badan oo kasoo qaybgaley tartanka qandaraaskaasi ay walaac badan ka muujiyeen marki ay dareemeen in si cadaaladda baalmarsan loosiin doono wiilka madaxweynuhu adeer uyahay.



Tani maaha markii ugu horreysey ee mashaariicda qaranka ay maroorsadaan qoyska iyo qaraabada madaxweyne Siilaanyo balse waxa isweydiin leh maxaa loo reebay ganacsatada, shirkadaha iyo bulshoweynta Somaliland haddii qandaraaskastoo soo baxa labboodaan qoyska iyo qaraabada madaxweyne Siilaanyo.

Source: Waheen]]> General http://www.radiosomaliland.com/index.php?blogid=0index.php?itemid=1021 Tue, 24 Jan 2012 10:43:44 -0500 http://www.radiosomaliland.com/index.php?blogid=0index.php?itemid=1020 “Somaliland waxaanu u saxeexnay Mashruuc biyo gelin ah oo Baanka Horumarinta afrika ugu deeqay “Raysal wasaraha Somaliya

Hargeysa (Halbeegnews)–Ra’iisul wasaaraha Soomaaliya C/weli Maxamed Cali iyo guddoomiyaha baarlamaanka, Shariif Xasan Sheekh Aadan ayaa shalay kula kulmay Muqdisho wafdi ka socda dalka Ingiriiska oo uu hoggaaminayo ergeyga gaarka ah ee Ingiriiska u qaabilsan arrimaha Somaliya mr Matt Baugh, kaasoo labada masuul kala hadlay xidhiidhka labada dale e Somaliya iyo Igiriiska , arrimaha Roadmap-ka, horumarka laga sameeyey go’aanadii shirkii Garowe iyo shirka 23-ka bisha Febraayo ee soo socata lagu wado inuu ka dhaco magaalada London.


Ra’iisul wasaaraha DKMG ah ee Somaliya iyo Matt Baugh oo kulan wakhti qaatay ka dib shir jaraa’id wada qabtay ayaa faahfaahin ka bixiyay waxyaabihii ay kulankii dhexmaray kaga wada hadleen ; iyadoo C/weli Gaas uu uga mahad-celiyay wafdiga Ingiriiska booqashada ay ku yimaadeen Muqdisho.
“Waxaan filaynaa in shirka London uu noqdo shir wax weyn ka bedela arrimaha dalka Soomaaliya uu ku sugan yahay,” ayuu yidhi ra’iisul waasaraha Soomaaliya oo shirka jaraa’id ka hadlay, isagoo dhinaca kalena Ra’iisul wasaaraha Soomaaliya sheegay inay rajeynayaan in shirka Dawlada Ingiriisku bisha soo socota u qabanayso Kooxaha Somaliya qodobbo horumar u horseeda Soomaaliya inay ka soo baxaan.
Dr Gaas ayaa geesta kale xusay in loo baahan yahay in shirka lagu tixgeliyo horumarka laga sameeyey Roadmap-ka Somaliya.

dhinaca kale Raysal-wasaaraha Somaliya waxa uu sheegay inay soo dhaweynayaan hadii Dawlada Somaliland ka soo qayb gasho shirka london, isagoo dhinaca kale shaaca ka qaaday inuu dhawaan u saxeexay Somaliland Mashruuc laga fulinayo somaliland oo biyo gelin ah, kaasoo uu cadeeyay in Baanka horumarinta afrika ugu deeqay Somaliland“Ta koowaad ee ah inay shirka ka soo qayb galaan, Shirka inay ka soo qayb galaan Somaliland raalibaan ka nahay waayo waa dad Somaliyeed, waxa laga hadlayaana waa dan Somaliyeed,markaa sida Puntland uga soo qayb gelayso, ee Galmudug uga soo qayb gelayso iyo Ehlu-suna ayaanu jecelanahay inay iyaguna u yimaadaan wada xaajoodka iyo wada tashiga iyo in Miiska wada hadalka laysugu yimaado, waanan soo dhawenaynaa Somaliland inay shirkaa nagala soo qayb galaan si ay dhibaatada Somaliya xalinteeda qayb uga qaataan”ayuu yidhi.

Sidoo kale waxa uu shaaca ka qaaday dhawaan Somaliland inuu u saxeexay mashruuc Biyo gelin ah oo Baanka Horumarinta afrika ugu deeqay Somaliland, kaasoo uu isagu gacantiisa ku saxeexay, diyaarna u yahay hadii kuwo kale looga baahdo inuu u fuliyo “Mida kale ee mashruuca loo saxeexay wuxuu ahaa mashruuc Baanka horumarinta afrika ugu deeqay Somaliland,kaasoo ay ku samaysanayaan Mashruuc biyo gelin ah(Water Cuch Program) si loo yareeyo biyo yaraanta iyo abaarta”-“waxaanan ugu saxeexnay dad Somaliyeed weeye xaqbaanay u leeyihiin inay xaqooda helaan anaguna raalibaan ka nahay inay samaystaan waxyaabo bulshada lagu horumarinayo” ayuu yidhi.

Sidoo kale, Matt Baugh ayaa sheegay in shirka London ka dhacaya bisha Feberaayo ee soo socota lagu casuumay 40 mas’uul oo dunida ka socda, ujeedadiisuna tahay sidii ay beesha caalamku uga midoobi lahaayeen xal u helidda arrimaha Soomaaliya, sida amniga, budhcad-badeeda, gar-gaarka aadanaha iyo siyaasadda.

Xigasho Waaheen

Halbeegnews, Hargeysa

halbeegnet@gmail.com
]]> General http://www.radiosomaliland.com/index.php?blogid=0index.php?itemid=1020 Mon, 23 Jan 2012 22:48:40 -0500 http://www.radiosomaliland.com/index.php?blogid=0index.php?itemid=1019
Saraakiil Milatari, Xildhibaano, Ganacsato iyo Odayaal ka soo jeeda Bariga Burco ayaa shalay Madaxweyne Siilaanyo ula tagay Talo ku waajahan sidii wax looga qaban lahaa Khilaafka dhex yaala Xukuumaddiisa iyo sidii wax looga qaban lahaa hase yeeshee waxa ay warar aanu ka helnay kulankaas oo Madaxtooyada ka dhacay sheegeen Madaxweyne Siilaanyo inuu ku gacansaydhay talooyinkii ay ula tageen oo ay ugu muhiimsanayd in uu wax ka qabto wasiiradda khilaafku ka dhex taagan yahay iyaga iyo madaxweyne ku-xigeenka

Saraakiisha iyo xubnaha kale ee u tagay Madaxweyne Siilaanyo waxay kala ahaayeen Janaraal Xasan Salin, Xasan Cali Abokor, Carab Ducaale, Xildhibaan Rayte, Cabdalle Faarax Xarbi, Gaadhi Jiidh, Cabdi Farjar, Proff:Hurre Barre, Cali Kubad iyo Indho waxaana la sheegay in ay Madaxweyne Siilaanyo u bandhigeen inaan la eegan Karin xaalada Siyaasadeed ee ay xukuumaddiisu dalka galisay iyagoo sheegay haddii aanu talaabo uga qaadin xubnaha Wasiiradiisa ah ee khilaafka Dalka galiyay inaanay beel ahaan sii daawan doonin oo ay magac xumada ay arrintaasi keensanayso ka hadli doonaan.

Hase yeeshee waxa la sheegay Madaxweyne Siilaanyo inuu soo jeedintoodaasi ku gacansaydhay isla markaana diiday inuu qaato taladooda, waxaana la sheegay inuu u soo qadimay cida ay ku socdaan inay tahay Wasiirka Madaxtooyadda balse aanu ka maarmayn oo aanu xilka ka qaadayn isagoo rag ka mid ah Odayada meesha marayay si gaar ah u naqdiyay taladooda.

Sida ay sheegayaan wararka u dhuun daloolay kulankaasina waxa ay ka soo caraabeen odayadaasi iyaga oo aan wax xal iyo garawshiiyo toona aan ka helin Madaxweynaha hase yeeshee lama garanayo talaabada xigta ee ay ku waajihi doonaan mawqifka Madaxeynuhu ka taagan yahay xal u helida khilaafka ka dhex aloosan Xukuumaddiisa oo ay Beeshiisu u aragto mid xiligan haddii aan la dabaqabatayn dalka galin karta fawdo.

Dhinaca kalena warar xogogaal ah ayaa sheegaya in markii koowaad ay maanta Madaxweyne Siilaanyo Iyo ku-xigeenkiisa C/raxmaan Saylici oo dhawr maalmood ka waji dad bayay Madaxtooyaddu ay yeelan doonaan kulankoodii ugu horeeyay si ay u garnaqsadaan, waxaana Garnaqsigaasi goob jog ka ah Guddida Dhexdhexaadinta ka wada arrintaasi oo kala ah Guddoomiyaha Golaha Wakiiladda C/raxmaan Cirro, Guddoomiye Ku-xigeenka Golahaasi C/Casiis Maxamed Samaale, Guddoomiyaha Xisbiga Kulmiye Muuse Biixi Cabdi iyo Xubin ka tirsan Golaha Guurtida oo ka soo jeeda Gobolka Awdal.

Khilaafka labada dhinac oo ka bilaabmay tabashooyin isa soo biirsaday oo uu ka tirsanayo Madaxweyne Ku-xigeenku Wasiiradda Wasaaradaha Arrimaha Dibeda iyo Madaxtooyadda ayaa la filayaa in loo eegi doono dhinacyo badan oo ku salaysan dhinaca sharciga iyo dhinaca Beelaysiga maadaama dhinac kastaa soo bandhigi doono doodiisa isla markaana uu u garnaqsigiisa u cuskan doono Nidaamyada ay bulshada reer Somaliland iyo Dimuquraadiyadoodu ku caano maashay
--------------------------------------------------------------------------------
Published: 2012-01-23
Source: Waaheen ]]> General http://www.radiosomaliland.com/index.php?blogid=0index.php?itemid=1019 Mon, 23 Jan 2012 20:52:26 -0500 http://www.radiosomaliland.com/index.php?blogid=0index.php?itemid=1017
Waxay ahayd sannadkii 2010 markii nin ka tirsan aqalka odayaasha Maraykanka (the U.S. Congress) oo magaciisa la yidhaa Donald M. Payne lagana soo doorto New Jersey uu casuumad u fidiyey maamulada ka jira dalkii hore loo odhan jiray Somaliya. Xukuumadii hore ee hogaaminayey Dahir Rayale Kahin gaashaanka ayay ku dhufatay hindisahaa, waxaanay arintaasi ka cadhaysiiyey ninkii casuumada fidiyey oo ku hanjabay inuu Somaliland uu takoori dooni. Wasiirkii hore ee Arimaha Dibada, Cabdillahi Maxamed Ducaale, ayaa sheegay inaanay xukuumad ahaan diidanayn inay aqbalaan casuumadaas laakiin ay diideen inay meel la soo fadhiistaan maamulo aan jirin oo magac u yaal ah. Arintaa waxaa khilaafay Maxamed Cabdillahi Cumar oo ku magacaabnaa Xoghayaha Arimaha Dibada ee Xisbiga Kulmiye oo markaa macaarid ahaa kulan aan xukuumadii Rayaale ka war qabina la yeeshay Congressman Dolald M. Payne. Muddo yar ka dibna waxaa dalka Maraykanka booqasho ku yimi Axmed Siilaanyo oo uu gelbinayo Xoghaya Arimaha Dibada ee Kulmiya, Maxamed Cabdillahi Cumar, kulana la yeeshay Congressman Donald M. Payne. Wakiilkii Xukuumada Rayaale ee Washington D.C. Sacad Sheekh Osman Nur wuu dhaleecey arinkaas waxaanu ku tilmaayey mid xagal daacinaya siyaasadii soo jireenka ahayd ee xukuumadihii kale danbeey ee Somaliland kuna wejahnayd gooni isutaaga. Markii Siilaanyo doorashada ku guulaystay waxaa dhacday in Somaliland ay miiska la fadhiisato shirikii Somalida loogu qabtay Washington, D.C. ee uu maamulayey Congressman Donald M. Payne. In hadda ay xukuumada Ingiriisku ku cadaadiso Siilaanyo inuu shirka London ka qayb galo wax lala yaabo maaha maadaama ishiisa la ga arkay oo uu hore Wasiirkii Arimaha Dibada ugu diray Washington, D.C si uu u dhex fadhiisto hogaamiye kooxeedyada Somaliya ku loolama.




Markii Siilaanyo uu ku guulaystay doorashooyinkii dalka ka qabsoomay 2010, waxaa uu bilaabay inuu geed iskaga xidho qamaamuurtii xisbiga Kulmiye ee la soo kifaaxay wakhtigii mucaaridnimada. Ragii miisaanka ku lahaa Kulmiye sida Muuse Biixi, Cabdiraxman Cabdilqadir, Ina Iskerse, Fu’ad Adan Cadde ayaa noqday qaar Hotel ka Maansoor shaaha iyo qaxwaha ku caba oo aan ceesaan halowday la waydiin. Iska daa inuu xil u dhiibee, Madaxwayne Siilaanyo waxaa uu diiday inuu kala tashado ragaas xulashada xubnaha xukuumadiisa. Waxaa uu golahisa wasiirada ka buuxiyey dad qurba-joog u badan oo siyaasada dalka ku cusub, bulshada dhexdeedana aan miisaan siyaasadeed ku lahayn. Golahaas wasiirada waxa uu madax uga dhigay Xirsi X. Xassan oo ah nin dhalinyaro ah oo aan aqoon iyo waa’yo aragnimo maamul lahayn weligiina aan xukuumad u soo shaqayn. Dadka qaar ayaa arinkan u arka inay u sahashay Madaxwayne Siilaanyo inuu majaraha siyaasada dalka dhinac kale u jeediyo iskana fogeeyey dadkii runta u sheegi ahaa ee khaladkiisa ka qaban lahaa.




Arintii ugu horaysay ee yaabka ku noqotay dad badan waxay ahayd markii ardaydii reer Somaliland ee deeqda waxbarsho ka heshay Turkiga loo duuliyey Muqdisho ee Sheekh Shariif u qudbadeeyey. Hore ayay Somalidu ugu maahmaaday “soor quudheed lama qaato.” Waa markii ugu horaysay ee xukuumad Somaliland ahi ay arday u dirto Muqdishu. Maxaa diiday in Turkiga lagu yidhaa “ardayda aad noo qaadayso diyaarad u soo dir oo halkan ka qaad?”




Waxaa iyana jira warar sheegaya in Wasiirka Arimaha Dibadu uu ogolaansho ka dalbaday Sheekh Shariifka Muqdisho si uu ansixiyo heshiiskii la sheegay in Somaliland la gashay Shiinaha iyo Itoobiya ee dib u dhiska Dekada Berbera. Goorma ayay Somaliland gaadhay heer ay ogolaansho ka raadsato nin gurigiisii ay ciidamo Uganda iyo Burundi ku ilaaliyaan?




Waxaa iyana Muqdisho kaga dhawaaqay Ra’isal Wasaaraha xukuumad ku sheega Sheekh Shariif inuu saxeexay saddex milyan oo dollar oo Bangiga Horumarinta Afrika uu ka hirgelinayo Somaliland. Goormaa mashruucyada Somaliland laga hirgalinayaa noqdeen qaar Muqdisho ogolaansho u doonta?




Dhinaca kale, waxaa Muqdisho ka soo baxay war uu baahiyey waxaa loogu yeedhay “Gudida Nabadgelyada Qaranka” oo ka hadlay shaqaaqadii ka dhacday Buuhoodle sheegaynay inay diyaar u yihiin inay gacan ka gaystaan nabadgelyada. Goorma ayay xukuumad ku sheega Sheekh Shariif gaadhay heer ay arimaha Somaliland sidaas ula hadasho oo ay iska indho tirto xukuumada la soo doortay ee dalka ka talisa?




Arimahan ku soo cusboonaaday siyaasad Somaliland ee “Awdal State” iyo Khaatumo wax lala yaabo maaha maadaama dad badani u arkaan in xukuumada Siilaanyo u socoto Muqdisho oo laga yaabo inaanay doonayn in looga dheereeyo.




Waxaa haboon in loo caqli celiyo Madaxwayne Siilaanyo iyo Wasiirkiisan Arimaha Dibada ee fudud oo loo sheego inay aaminaan dalkooda iyo dadkoodii doortay, masiirka umadana aanay jahowareer ku ridin. Waxaa fiican inuu Siilaanyo wax ku qaato casharkii ku dhacay Ilaahay haw naxariistee Maxamed Haji Ibrahim Cigaal oo quus ka istaagay Somali uu isu keeno oo heshiisiiyo markii qorshihiisii uu Ismaaciil Cumar Geele kala hoos baxay, arintaasina dhaxalsiiso Cigaal inuu iska iloobo Somaliya oo uu u guntado sidii uu Somaliland u meel marin lahaa.







Cabdillahi Xuseen

Chicago, USA

abdi20000@yahoo.com


]]> General http://www.radiosomaliland.com/index.php?blogid=0index.php?itemid=1017 Sun, 22 Jan 2012 11:19:17 -0500 http://www.radiosomaliland.com/index.php?blogid=0index.php?itemid=1014
Inkasta oo aya iskaga dab qaadeen Ergooyin kala duwan oo madaxda Xukuumadda iyo Golayaasha ahi hadana ma jirto talaabo cad oo la qaaday oo lagu qanciyay hase yeeshee warar aan cadayn ayaa sheegaya in Madaxweyne Siilaanyo shalay oo Jimce ahayd Telefoon uu kala hadlay isla markaana uu ka codsaday in ay kulan isugu yimaadaan si wadahadal loogu dhameeyo mad-madowga soo kala dhex galay isaga iyo xukuumadda.

Khilaafkan soo kala dhex galay masuuliyiinta sare ee Xukuumadda ayaa tan iyo shalay abuurtay doodo kala duwan waxaana la sheegay xukuumadda inay gudaheeda ka abuurtay dareen isxulafaysi ah oo ay labada dhinac ee iska soo horjeedaa ku kala kasbanayaan taageerayaal iyadoo taageero weyn uu ku helay Saylici kadib markii ay u garaabeen tabashooyinka uu tirsanayo oo ay ugu weyn tahay Talada Xukuumadda ka soo baxda oo aanu waxba ka ogayn iyo taageerayaal uu shaqo geliyay oo shaqooyinkii laga Eryay.

Sida ay sheegeen Ilo xogogaal ahina waxa wali socda Ergooyin doonaya inay khilaafka soo af-jaraan maadaama duruufo Siyaasadeed iyo Dagaal oo isa saaran uu dalku ku jiro haddii aan xal loo helina ay sii fogaan doonto. Ergooyinkaasi ayaan ilaa hada gaadhin wax natiijo ah waxaana la sheegay C/raxmaan Saylici inuu ku adkaysanayo mawqifkiisa iyadoo la filayo maanta oo Sabti ahna inuu ku sii jiri doono shaqo Joojinta.

Sida ay wararkii ugu danbeeyay ee aanu ka helnay Ergooyinkaasina sheegeen in loo saaray Guddiyo kala duwan oo ay ka mid yihiin Wasiiro, Golayaasha Qaranka iyo Hogaanka Xisbiga Kulmiye si ay isku dubaridaan wax ka qabashada khilaafka jira kaasoo ah mid soo taxnaa in muddo ah oo u baahan in si qoto dheer loo galo, waxaana la sheegay hawshaas in la gudo galay oo gacanta lagu qabtay isla markaana laga saaray Caadifadii uu ku bilowday.

Tabashada ugu balaadhan ee dadweynuhu shalay ka gaarabayeen ee laga soo xiganayo ilo wareedyada khilaafkan ka ag dhaw dhaw ayaa sheegaya inay tahay arrinta Dagaal ee uu dalku ku jiro waxaanay u arkayeen maadaama Madaxweyne ku-xigeenku dhalasho ahaan ka soo jeedo beelaha Galbeedka Somaliland inay haboonayd in isaga loo diro dagaalkaasi oo uu gadhwadeen u noqdo Ciidanka isla markaana ka hadalkeeda dhinaca Warbaahinta ay ku wanaagsanayd in uu isagu ka muuqdo maadaama ay ku gabanayaan Siyaasiyiinta iyo Kooxaha shirka waday ee ka soo horjeeda Somaliland in Beesha Isaaq ku soo duushay oo ay awood ku haysato dhulkooda.

Fikrada caynkan ah dadka qaba waxa ay u daliishanayaan in wakhtigii Rayaale talada hayay C/laahi Yuusuf-na Puntland iyo Somaliyaba ka talinayay ay wax weyn ka tartay dacaayadaha ay fidin jireen ee ay dadka ku kicin jireen marka ay arkaan in aanu Nidaamka Somaliland u abuurnay qaab beeleed ee uu yahay mid Dawladeed oo Doorasho ku yimi, waxaanay ku xoojinayeen fursada kaliya ee Madaxweyne ku-xigeen kastaa leeyahay ay tahay marxaladahan oo kale in culaaysku ku dhaco isaga maadaama Madaxweynuhu hawlihii kale ee Qaranka hayo isla markaana Miisaan loo yeelo nidaamka lagu maamulayo goobaha ay ka socdaan hawlgaladu.

Inkasta oo ay aragtidaasi aad u badnayd hadana aragtida kale ee taalay shalay goobaha lagu faaqido Siyaasaddu waxay walaac ka muujinayeen in arrintani ay ku soo beeganto xiligan waxaanay door bidayeen in hoos loo dhigo hadal haynteeda maadaama lagu jiro duruufo siyaasadeed oo khatar ku ah jiritaanka Somaliland haddii aan midnimo lagaga bixin. Balse hadana waxa ay mar walba doodaas wehelinyay inay lagama maarmaan tahay in tabashooyinka Saylici wax laga qabto maadaama uu ka cabanayo in shaqooyinkiisii iyo Haybadii masuuliyadeed ee uu hayay ay iskaga horyimaadeen Wasiiro iyo masuuliyiin kale oo mansab ahaan ka hooseeya.

Si kasata ha ahaatee Xukuumadda uu ka mid yahay Madaxweyne ku-xigeen C/raxmaan Saylici waxa xiligan hortaala masuuliyad abalaadhan oo loo baahan yahay inay Nidaamka Maamul ee dalka iyo ka dhexdeeda yaalaba ku xalido dalkana ka saarto walaahawga Siyaasadeed ee ka dhashay faragalinta shisheeye ee wakhtigan kala fur furaysa isla markaana ku dirqiyaysa inay ka qayb galaan Shir ka soo horjeeda Go’aankii shacabka ee Gooni isu taaga.
Source: Wahen]]> General http://www.radiosomaliland.com/index.php?blogid=0index.php?itemid=1014 Sat, 21 Jan 2012 14:03:50 -0500 http://www.radiosomaliland.com/index.php?blogid=0index.php?itemid=1012
Inkasta oo aya iskaga dab qaadeen Ergooyin kala duwan oo madaxda Xukuumadda iyo Golayaasha ahi hadana ma jirto talaabo cad oo la qaaday oo lagu qanciyay hase yeeshee warar aan cadayn ayaa sheegaya in Madaxweyne Siilaanyo shalay oo Jimce ahayd Telefoon uu kala hadlay isla markaana uu ka codsaday in ay kulan isugu yimaadaan si wadahadal loogu dhameeyo mad-madowga soo kala dhex galay isaga iyo xukuumadda.

Khilaafkan soo kala dhex galay masuuliyiinta sare ee Xukuumadda ayaa tan iyo shalay abuurtay doodo kala duwan waxaana la sheegay xukuumadda inay gudaheeda ka abuurtay dareen isxulafaysi ah oo ay labada dhinac ee iska soo horjeedaa ku kala kasbanayaan taageerayaal iyadoo taageero weyn uu ku helay Saylici kadib markii ay u garaabeen tabashooyinka uu tirsanayo oo ay ugu weyn tahay Talada Xukuumadda ka soo baxda oo aanu waxba ka ogayn iyo taageerayaal uu shaqo geliyay oo shaqooyinkii laga Eryay.

Sida ay sheegeen Ilo xogogaal ahina waxa wali socda Ergooyin doonaya inay khilaafka soo af-jaraan maadaama duruufo Siyaasadeed iyo Dagaal oo isa saaran uu dalku ku jiro haddii aan xal loo helina ay sii fogaan doonto. Ergooyinkaasi ayaan ilaa hada gaadhin wax natiijo ah waxaana la sheegay C/raxmaan Saylici inuu ku adkaysanayo mawqifkiisa iyadoo la filayo maanta oo Sabti ahna inuu ku sii jiri doono shaqo Joojinta.

Sida ay wararkii ugu danbeeyay ee aanu ka helnay Ergooyinkaasina sheegeen in loo saaray Guddiyo kala duwan oo ay ka mid yihiin Wasiiro, Golayaasha Qaranka iyo Hogaanka Xisbiga Kulmiye si ay isku dubaridaan wax ka qabashada khilaafka jira kaasoo ah mid soo taxnaa in muddo ah oo u baahan in si qoto dheer loo galo, waxaana la sheegay hawshaas in la gudo galay oo gacanta lagu qabtay isla markaana laga saaray Caadifadii uu ku bilowday.

Tabashada ugu balaadhan ee dadweynuhu shalay ka gaarabayeen ee laga soo xiganayo ilo wareedyada khilaafkan ka ag dhaw dhaw ayaa sheegaya inay tahay arrinta Dagaal ee uu dalku ku jiro waxaanay u arkayeen maadaama Madaxweyne ku-xigeenku dhalasho ahaan ka soo jeedo beelaha Galbeedka Somaliland inay haboonayd in isaga loo diro dagaalkaasi oo uu gadhwadeen u noqdo Ciidanka isla markaana ka hadalkeeda dhinaca Warbaahinta ay ku wanaagsanayd in uu isagu ka muuqdo maadaama ay ku gabanayaan Siyaasiyiinta iyo Kooxaha shirka waday ee ka soo horjeeda Somaliland in Beesha Isaaq ku soo duushay oo ay awood ku haysato dhulkooda.

Fikrada caynkan ah dadka qaba waxa ay u daliishanayaan in wakhtigii Rayaale talada hayay C/laahi Yuusuf-na Puntland iyo Somaliyaba ka talinayay ay wax weyn ka tartay dacaayadaha ay fidin jireen ee ay dadka ku kicin jireen marka ay arkaan in aanu Nidaamka Somaliland u abuurnay qaab beeleed ee uu yahay mid Dawladeed oo Doorasho ku yimi, waxaanay ku xoojinayeen fursada kaliya ee Madaxweyne ku-xigeen kastaa leeyahay ay tahay marxaladahan oo kale in culaaysku ku dhaco isaga maadaama Madaxweynuhu hawlihii kale ee Qaranka hayo isla markaana Miisaan loo yeelo nidaamka lagu maamulayo goobaha ay ka socdaan hawlgaladu.

Inkasta oo ay aragtidaasi aad u badnayd hadana aragtida kale ee taalay shalay goobaha lagu faaqido Siyaasaddu waxay walaac ka muujinayeen in arrintani ay ku soo beeganto xiligan waxaanay door bidayeen in hoos loo dhigo hadal haynteeda maadaama lagu jiro duruufo siyaasadeed oo khatar ku ah jiritaanka Somaliland haddii aan midnimo lagaga bixin. Balse hadana waxa ay mar walba doodaas wehelinyay inay lagama maarmaan tahay in tabashooyinka Saylici wax laga qabto maadaama uu ka cabanayo in shaqooyinkiisii iyo Haybadii masuuliyadeed ee uu hayay ay iskaga horyimaadeen Wasiiro iyo masuuliyiin kale oo mansab ahaan ka hooseeya.

Si kasata ha ahaatee Xukuumadda uu ka mid yahay Madaxweyne ku-xigeen C/raxmaan Saylici waxa xiligan hortaala masuuliyad abalaadhan oo loo baahan yahay inay Nidaamka Maamul ee dalka iyo ka dhexdeeda yaalaba ku xalido dalkana ka saarto walaahawga Siyaasadeed ee ka dhashay faragalinta shisheeye ee wakhtigan kala fur furaysa isla markaana ku dirqiyaysa inay ka qayb galaan Shir ka soo horjeeda Go’aankii shacabka ee Gooni isu taaga.

Source: Waheen]]> General http://www.radiosomaliland.com/index.php?blogid=0index.php?itemid=1012 Sat, 21 Jan 2012 13:53:07 -0500 http://www.radiosomaliland.com/index.php?blogid=0index.php?itemid=1011
Waxa goob mareeg internetka ah oo Wasaaradda Arrimaha Dibedda ee dowladda Boqorotooyada Ingriiska leedahay maalin seddexaadii lagu shaaciyey xog ururin iyo qiimayn lagu eegayo ra’yiahaan waxa qowmiyadda ka soo jeeda dalkii la odhan jirey Soomaaliya ee haligmay bishii January 27th 1991. Natiijada sahamintan ayaa saldhig u noqon doonta shirka dib-u-heshiinta Soomaaliya ee la saadaalinayoo in uu ka qabsoomidoona Magaalo madaxda dalka Ingriiska ee London.


Marka aynu eegno qodobada la gorfeyndoono iyo qaabka ergooyinka madasha shirka ka qeyb gelaya loo qoondeeyey ayaa ah mid si badheedha ah jiritaankii iyo qarannimadii Somaliland loogu gefey. Ajandaha ayaa ah mid loogu talo galay in indhaha laga laliyo waaqica siyaasadeed ee geedi socodkii Somaliland; waa gardaro cad oo ka hor imanaysa sooyaalkii taariikheed iyo kii sharciyeed ee ummadda Somaliland ku dhaqani ku go’aansatay aayo ka tashigooda oo waafaqsan dhammaan xeerarka iyo qawaaniinta adduunweynuhu ku macaamilo.




DABINADA SHIRKA KU HOOS QARSOON




Marka aad akhrido qodobada lagu gorfeeyndoono madasha shirka ayaa waxa kuu soo baxaya qodobo qarsoon oo hoosta ka xariiqaya in ujeedada rasmiga aha ee shirku tahay: SIDII SHARCIYAD LOOGU SAMAYN LAHAA DOWLADDA HADDA SHEEGATA TALADA KOONFURTA SOOMAALIYA!!




Dowlad ku sheegta wadaad Shariif hormoodka ka yahay waa gacan ku rimis dibadda lagu soo yagleelay, markay mudadii loo cumaaday ka dhammaatay iyada ayaa dib muddo kordhin laba sannadood ah dib isu caleemo saartay iyada oo weliba daaha dabadiisa alaad iswadda (Remote Control) lagaga daadihinayo. Waxaynu ogsoonahay sifaha in xukuumad dad iyo dal wakiil ka ihi in ay ku timaado rabitaanka iyo kalsooni ku timaada doorasho xor ah oo xalaal. Dowlad ku sheega dibadaha lagu soo dhoobdhooba ma laha sharciyad ay cid wakiil uga tahay.


Ummadda reer Soomaliland maanta ha ogaato in shirka lagu qabanayo dalka Ingriisku ay tahay mid sharciyad loogu raadinayo dowlad u taasha hadda sii dabayshanaso ee koonfur Soomaaliya halaaga ka aloosan maareyn kariweydey. Sabab Somaliland martqaadka shirka loogula soo galgashaan meeshaba ma taal ee waxa haboon in aan dalka loo horseedin burbur iy dib u dhac aan laga soo waaqsan . Dowlad Ingriis iyo cid kale toona xaq inoogu malaha in ay inagu martiqaadaan meel budhcad badeed iyo dowlad bukaan jiif ah loogu gar naqayo. Shan iyo tobanka shire e dib Soomaali koonfureed loogu heshiisiinayey midna Somaliland qeyb kamay ahay oo xeer dhaqan galay ayeynu ka dhiganay. Sidaa darted waxa xukuumadda la gudboon in ay tixgeliso distoorka iyo xeerarka qaranka la iskana iloobo koonfur Soomaaliya oo toban kooxood isu barbar yaacaysa in lagu dhex milmo. Maalinta dowlad ay koonfur ka dhalato dowlad sharciyad ku dhisan oo cod iyo kalsooni ummadeed heysata waxa inaga dhexeysa xisaab celin, garnaqsi, iyo sidii kama dambeys loo duugi lahaa wixii la isku odhan jirey jamhuuriyada Soomaaliya.


Sida aynu la socono bulshada caalamka waxa kala haga heshiisyo, xeear, iyo nidaamyo la isku wafaaqsanyahay oo ay kow ka yihiin kuwa la xidhiidha sharciyadaha qarannimada, dowladnimo, iyo madaxbannaanda iwm.

Haddiba xukuumadda Somaliland hunguri ka hayo in ay ka qeyb qasho waxa lama huraan ah in dadweynii soo doortay u caddayso waxa ay dhaafsatay qodobadan soosocda:




1. Sooyaalkii taariikhdii Somaliland ee gobanimada ka horeysey ooo waxba kama jiraan noqondoona;

2. Lahaanshii madaxbannaanidii Somaliland ee 26th June, 1960 oo iyana meesha ka baxday;

3. Midowgii dhicisoobay Somaliland iyo Somalia ee July 1st 1960 oo isna taariikhdaba laga tirayo;

4. Duudsi xaqqa ummadeed ee aayo ka tashi

5. Dulmigii dowladihii koonfureed ka gesteen Somaliland uu isugu jirey xasuuq bani aadam, boob hantidii gaarka ahayd ee dadweynaha, iyo burbur baahsan oo dhulka lala simay adeegyadii bulsheeda sida ceelashii biyaha, berkedihii, dhul beereedkii; hantidii ummadda reer Somaliland ee Muqdishu oo laba iyo labaatan sannadood dad kale dheefsanayaan.


MAJAROHABOWGA BEESHA CAALAMKA.




Tiraba shan iyo toban jeer ayaa kooxaha ku hirdamaya koonfurta Soomaaliya Beesha Caalamku u qaban qaabisay shirar dib-u-heshiineed si bal mar uun kala dambeyn iyo wax heykal dowladnimo lagu masanuuniyaa uga hana qaado. Nasiib daro shan iyo tobankii shirba natiijadoodii waxay noqotay biyo kama dhibcaan iyo hal bacaad lagu lisay. Waxa su’aashu ay tahay shirka oo noqondoona kii lix iyo tobnaad guul ma laga gaadhi doona? Jawaabta oo koobani waa maya. Beesha caalamka ayaa weli u muuqato in weli tubtii hore loogu hungoobay weli lagu sii dheganyahay. Shirkan hadda la qabanqaabinayo iyo kuwi ka horeeyeyba waxa u dhicisoobeen waxa weeye qodobada laga duulayo oo ah qaar aan waxba ka hirgeleyn oon marnaba koonfur Soomaaliya nabad iyo xasilooni waarta ka abuuri Karin. Qodobada ugu muhiimsan ee had iyo jeer Soomaali koonfureed dhibteedu u dab dheeraatay waxa ka mid ah: